Xeodestinos da provincia de Lugo
Dende o Cantábrico ao Canón do Sil e dende os Ancares ata a Dorsal Galega, a provincia de Lugo atesoura paisaxes culturais onde a diversidade da natureza, do patrimonio e das formas de vivir fálannos dun territorio cunha personalidade única.
Os 67 municipios da provincia intégranse en seis xeodestinos. Todos eles forman en conxunto un mosaico que nos permitirá achegarnos á Galicia máis xenuína e vivir experiencias forxadas na autenticidade da súa xente, da súa historia e dos seus espazos naturais.
