Canón do Sil (Ponte do Sil- Santa Cristina - Ponte do Sil)

Esta ruta parte do embarcadoiro da Deputación de Lugo - Ponte do Sil e percorre o encoro de Santo Estevo polo Canón do Sil, espazo declarado Zona de Especial Conservación no marco da Rede Natura 2000. Durante a travesía, que transcorre entre as Provincias de Lugo e Ourense, bordéanse os municipios de Monforte de Lemos e Sober na ladeira norte e Castro Caldelas, A Teixeira e Parada de Sil na ladeira sur.

No primeiro tramo do percorrido, dende Ponte do Sil a San Cosmede, a ruta fluvial permite achegarse á realidade da viticultura heroica, singularizada nas empinadas ladeiras do municipio de Sober, que alcanzan desniveis de gran verticalidade nas zonas de maior pendente, correspondentes á subzona de produción Amandi, no seo da Denominación de Orixe Ribeira Sacra. E é precisamente o viño o que fixo deste territorio un lugar cheo de dinamismo que nos últimos anos se consolidou como un referente para o turismo rural e enolóxico.

No segundo tramo da travesía, desde o Priorado de San Cosmede ata o mosteiro de Santa Cristina, perfílase a profunda e rochosa garganta do Sil. É aquí, no corazón da Ribeira Sacra, onde atopamos un dos grandes prodixios xeolóxicos de Galicia e desta terra de ermitáns, onde a pegada medieval deixou na contorna dos cursos fluviais unha das maiores concentracións de románico rural de Europa.

Canón do Sil
Canón do Sil
Canón do Sil
Canón do Sil
Canón do Sil
Canón do Sil
Canón do Sil
Canón do Sil

Punto de partida e chegada da ruta: embarcadoiro da Deputación de Lugo - Ponte do Sil 42°24'35.3" N 7°26'37.2" W

Duración aproximada do percorrido: 2 horas

Compre AQUÍ os billetes na web.

Descargue AQUÍ o tríptico informativo das rutas fluviais para a tempada 2019.