ZEC Carballido

Na confluencia dos municipios lucenses da Pontenova, Ribeira de Piquín e A Fonsagrada, o frondoso bosque de Carballido constitúe unha das mellores testemuñas da diversidade ecolóxica da Reserva da Biosfera Eo, Oscos e Terras de Burón. Neste espazo natural, algúns tributarios do Eo como o río Reigadas serviron para accionar emblemáticos enxeños hidráulicos como a antiga ferrería de Bogo e marcaron desde sempre o curso da vida nun territorio onde o traballo do ferro é símbolo de identidade.