A Deputación sinaliza 10 rutas cicloturistas nas comarcas de Ancares e A Fonsagrada
Con esta actuación de sinalización contribúese a difundir máis de 10 rutas medioambientais e ciclo turísticas da Comarca da Montaña favorecendo o turismo activo para que se acheguen máis deportistas aos concellos polos que discorren
A Deputación sinaliza 10 rutas cicloturistas nas comarcas da Montaña de Ancares e A Fonsagrada. Cunha inversión de 13.057 euros instaláronse un total de 28 carteis nos 6 concellos polos que discorren as rutas que son: Navia de Suarna, A Fonsagrada, Ribeira de Piquín, As Nogais, Pedrafita do Cebreiro e Cervantes. Na actualidade, estas rutas discorren por estradas da rede viaria provincial da Deputación, e empréganas numerosos ciclistas.
Con esta actuación de sinalización contribúese a difundir máis de 10 rutas medioambientais e ciclo turísticas desta zona da provincia favorecendo o turismo activo na comarca para que se acheguen máis deportistas. Estas prácticas deportivas ligadas ao entorno, a través dos recursos naturais dispoñibles, contribúen a impulsar unha nova economía sostible e a xeración de emprego e ao desenvolvemento rural sostible.
A través da instalación desta sinalética nas estradas de titularidade da Deputación tamén dáse a coñecer o patrimonio natural, cultural e etnográfico da provincia fomentando a súa conservación e sostenibilidade ambiental.
Rutas sinalizadas
- Arqueira, Ibias, Pedras, A Fonsagrada, Moreira
- Folgueiras, Zarco, Piornedo
- A Fonsagrada - Sarria
- A Fonsagrada, Carballido, Garganta Taramundi, A Pontenova
- A Fonsagrada, A Pontenova, Barraca Hospital
- Laviadas, Piornedo, Ancares, Folgueiras
- Navia de Suarna, A Fonsagrada, Oscos
- Navia de Suarna, Grandas Berduces, Pedras Apañadas
- Navia de Suarna, Ancares Piedrafita
- Navia de Suarna, Piornedo, Degrada, Doiras, Gatín
Carteis en 6 concellos da Comarca da Montaña
Os traballos de sinalización consistiron na instalación de 28 carteis nos 6 concellos da Montaña. Nos concellos de Navia de Suarna e A Fonsagrada instaláronse 2 grandes carteis informativos das rutas do entorno, elaboráronse en madeira de pino tratado; levan un tellado fabricado con estrutura e soporte de serigrafía en taboleiro contrachapado cun vinilo baixo metacrilato. O resto dos carteis metálicos son de aceiro galvanizado e levan impresión da información con protección UV e reflexivos.
