Proxectos emblemáticos

Creación dun ecosistema integrado de Turismo Científico no territorio Ancares- Courel

O Plan Estratéxico de Turismo da Provincia de Lugo 2017-2020 recolle entre os seus obxectivos a necesidade de desenvolver actuacións diferenciais que permitan reforzar a oferta turística a través dos seus valores distintivos e da súa idiosincrasia coa fin de posicionar como destino turístico a provincia de Lugo dende unha perspectiva multiexperiencial, que pivote arredor de criterios de sustentabilidade e calidade.

Neste documento, identifícanse os produtos turísticos estratéxicos considerados prioritarios para o posicionamiento e a creación dunha imaxe de marca para a provincia de Lugo, permitindo captar os segmentos de demanda considerados prioritarios. Así, este Plan recolle unha matriz de produtos estratéxicos entre os que sobresae o turismo de natureza, identificando dentro deste diferentes subtipos que inclúen entre outros o turismo científico, situando a súa implementación no territorio Ancares- Courel.

Con este antecedente, a Deputación de Lugo puxo en marcha a contratación do proxecto para a creación dun ecosistema integrado de Turismo Científico no mencionado territorio, en cuxo seo se levarán a cabo as seguintes actuacións:

- Realización dunha auditoría para a elaboración dunha diagnose previa do territorio que permita avaliar o seu potencial no marco do produto de turismo  científico.

- Certificación do territorio co selo Observer Turismo Científico.

- Creación de contidos para a construción do produto de turismo científico (rutas e actividades varias).

- Creación dunha rede de capital social para a implicación dos axentes clave do territorio en materia de turismo científico.

- Accións de formación e sensibilización dos axentes clave e de comunicación dos resultados do proxecto e promoción do produto de turismo científico.

Os municipios que se integran no proxecto son os de A Fonsagrada, Baleira, Negueira de Muñiz, Navia de Suarna, Cervantes, Becerreá, As Nogais, Triacastela, Samos, O Incio, Ribas de Sil, Quiroga, Folgoso do Courel, A Pobra do Brollón, Ribeira de Piquín e Pedrafita do Cebreiro.

A continuación compartimos a síntese da presentación do proxecto que no mes de outubro de 2018 tivo lugar nos concellos de Cervantes e Folgoso do Courel.

 

 

Elaboración dun proxecto de Micoturismo en Ancares – Courel

O micoturismo ou turismo baseado nas setas, xa sexa a través do seu estudo, fotografía, degustación, etc… ten un enorme portencial, sobre todo nas comarcas de Ancares e O Courel. É por iso que a Deputación Provincial de Lugo, coa colaboración da Universidade de Santiago de Compostela, impulsa unha serie de actuacións para potenciar este tipo de turismo.

Entre as actividades realizadas, atópanse:

- Realización dun estudo e inventariado da biodiversidade micolóxica dos territorios.

- Accións formativas no campo da micogastronomía dirixidas a profesionais da hostelería e a restauración das comarcas de Ancares e O Courel. Este evento didáctico de ciencia cidadá ten con fin difundir valores ambientais do territorio e a atracción dun turismo sostenible dirixido ao público en xeral.

- Potenciación da “Festa da Cantarela” e dun concurso fotográfico paralelo á mesma; trátase dunha festa de exaltación ao produto máis tradicional da zona: “A cantarela”, unha especie de seta que se atopa de forma excepcional neste territorio.

- Desenvolvemento de accións formativas vinculadas á micoloxía nos centros educativos do territorio.

- Realización de accións publicitarias e de difusión de devandito proxecto, así como desenvolvemento de material didáctico.

- Publicacións de artigos científicos vinculados á micoloxía nas comarcas de Ancares e O Courel.